Сараптама кеңесі

Өңірлік ведомствоаралық сараптама кеңесі

 

Хатшы

ГУРЬЯНОВА ФАИНА ВЛАДИМИРОВНА

 

 

 

  

 

 

Білімі:

Семей қаласының мемлекеттік медицина университеті. Факультет: «Жалпы медицина». Мамандығы «Жалпы медицина» (2010-2015 жж.). «Жалпы хирургия» мамандығы бойынша интернатураны аяқтады (2015-2017 жж.). 

 

Еңбек жолы:

2015 - 2017 – Семей қаласының мемлекеттік медицина университетінің жалпы хирургия кафедрасында интернатура

2017 - қазіргі уақытқа дейін – Радиациялық медицина және экология ғылыми-зерттеу институтының кіші ғылыми қызметкері

03.2017 - қазіргі уақытқа дейін – Өңірлік ведомствоаралық сараптама кеңесінің хатшысы. 

 

Наградалары:

Халықаралық ғылыми-практикалық конференцияның «Педиатрия» секциясында «Жаңа туған нәрестелердегі абстинентті синдром» тақырыбындағы ғылыми жұмысы бойынша бірінші орын алғаны үшін Семей қаласының мемлекеттік медицина университетінің грамотасы, 2015 жыл.

 

 

Өңірлік ведомствоаралық сараптама кеңесінің қызметі

РМ және Э ҒЗИ-да 2000 жылдан бастап жұмыс істейтін Өңірлік ведомствоаралық сараптама кеңесі аурулардың, мүгедектік пен өлімнің радиациялық факторлардың әсеріне байланысын бағалау бойынша сараптамалық-консультациялық жұмыс жүргізеді.

Өңірлік ведомствоаралық сараптама кеңесі алқалық орган болып табылады, оның құрамына РМ және Э ҒЗИ қызметкерлері және басқа да денсаулық сақтау ұйымдарының өкілдері кіреді.

 

Аурулардың сәулеленумен сепебті байланысын белгілеу мүмкіндігін айқындайтын басты шарт нақты тұлғаның радиациялық қауіп аймағының бірінде тұрғаны мен тұру ұзақтығының заңды түрде расталған фактісі (есептелген тиімді эквиваленттік мөлшерімен) болып табылады.

Нақты тұлғалардың Семей полигонындағы ядролық қару сынақтарының нәтижесінде қалыптасқан сәулеленудің дербес тиімді мөлшерлерін есептеу Радиациялық медицина және экология ҒЗИ мамандары әзірлеген әдістемеге (19.11.2010 ж. ҚР ДСМ-мен бекітілген) сай жүргізіледі. Осы әдістеме «Семей ядролық полигонындағы ядролық сынақтардың салдарынан зардап шеккен азаматтарды әлеуметтік қорғау туралы» ҚР-ның 1992 жылғы 18 желтоқсандағы № 1787-ХП Заңының негізгі ережелеріне Қазақстанның үш облысының зардап шеккен аудандарының аумақтарын радиациялық қауіп аймақтарына бөлу бөлімі бойынша бейімделген.  

 

Өңірлік ведомствоаралық сараптама кеңесі қызметінің нәтижелері

2011 жылы 2201 іс қаралды. Оның ішінде оң қорытындымен – 1588, теріс қорытындымен – 613.

2012 жыл ішінде 2188 іс қаралды, оның ішінде оң қорытынымен – 1597, теріс қорытындымен – 591. 

2013 жыл бойынша 2271 іс қаралды, оның ішінде оң қорытындымен  - 1597, теріс қорытындымен – 674.

 

Аурулардың/өлімнің сәулеленумен сепебті байланысын белгілеу бойынша қаралған істердің саны